Se cilat janë ushqimet që më së shumti qytetarët i konsumojnë për festen e Vitit të Ri e tregojnë vet ata. Madje edhe shitësit treguan se çfarë shitet më shumë për këto festa. Kurse nga ana tjetër nutricionistja këshillon kujdes në ushqimin që konsumohet në natën e Vitit të Ri.
Po e bënë blerjen e fundit për këtë vit.
E kështu Murat Cervadiku, po përgatitet për të festuar natën e Vitit të Ri.
Ai këtë natë e kremton në gjirin familjar me ushqimet e tij favorite në tavolinë.
E një qytetar tjetër festën e vitit të ri e veçon me një ushqim tjetër.
“Pulat më së shumti”, ka deklaruar Remzi Murati.
Kurse Bajram Demaj, këtë festë e pret me gjitha të mirat.
“Të gjitha të mirat i kemi, ka dashtë Zoti. Duke pas parasysh se unë i kam tre elvad në Amerikë. E kam plan pak me pi pak do verë e me ngrënë pak mish”, tha ai.
Ai madje tregon se i kanë mbetur vetëm edhe pak gjëra për ti përfunduar blerjet për këtë vit.
“Tash do të shkoj të blej mish në Dardani aty, e do të përgatitem”, tha Demaj.
E nga ana tjetër shitësja Shqipe Gashi qe tash e tetë vite punon në këtë dyqan, tregoi se cilat gjëra shitën më shumë për festen e Vitit të Ri.
“Pijet e gazuar shitën më së shumti,pijet energjike po ashtu. Kurse prej grimcinave, çipsat, shtapiqët dhe kikirikët”, tha ajo.
E nutricionisjta, Flora Hajrizi këshillon që të shmangen ushqimet e skuqura, pikante dhe përmbajtje më të lartë sheqeri.
“Për natën e Vitit të Ri, ju rekomandoj të zgjidhni ushqime të lehta dhe të shëndetshme si perime të freskëta, sallata kreative me llojllojshmëri produktesh, mish të bardhë ose peshk të pjekur. Antipastat me humus ose guacamole dhe ëmbëlsirat me fruta të freskëta janë opsione ideale për të shijuar pa e rënduar organizmin. Shmangni gjatë darkës së vitit të ri ushqimet e skuqura, shumë pikante ose me përmbajtje të lartë sheqeri, që mund të shkaktojnë probleme me tretjen dhe diskomfort”, ka deklaruar Hajrizi.
Ajo thotë që frutat janë opsione ideale për të shijuar pa e rënduar organizim.
