Ai në emisionin “Këndi i Debatit” në Tëvë 1 tha se në këtë nismë nuk ka barazi, pasi që Serbia ende e konteston identitetin e Kosovës.
Madje, ai shtoi se është e çuditshme se si i gjithë spektri politik në Kosovë ka qenë njëzëri kundër “Ballkanit të Hapur”.
“Para një viti kam shkruar artikullin e parë lidhur me këtë nismë dhe kam qenë kundër mbi bazën e arsyeve që i kam ofruar. Ajo që është kruciale është mospjesëmarrja e Kosovës në këtë nismë me të drejtë dhe çuditërisht i gjithë spektri politik ishte njëzëri pozitë e opozitë për sa i takon mopspjesëmarrjes madje edhe si vëzhgues. Në një nismë ku mendohet të jetë rajonale ku mund të ndërtohen politika të fqinjësisë nuk mund të ketë bashkëpunim përderisa një nga fqinjët ta konteston identitetin tënd, ky vend ka emër dhe mbiemër Republika e Kosovës”, tha ai.
Tutje, Pula theksoi se që nga shpallja e pavarësisë së Kosovës, Serbia në çdo moment ka “minuar shtetësinë e Kosovës”.
