Pula në Tëvë1 tha mungesa e zgjidhjeve në dialogun Kosovë – Serbi po reflekton edhe në gjeopolitikën rajonale.
“Unë mendoj që Unioni Evropian në këtë rast ka defekte të mëdha për sa i takon mungesës së seriozitetit për të adresuar qartazi, për të adresuar korrekt dhe për ta adresuar përmbajtësisht nevojën dhe domosdoshmërinë e kohës. Se tanimë është krijuar imperativ i kohës zgjidhja e kësaj problematike por do të thosha… përtej është çështje madhore sepse po reflekton edhe në gjepoliotikën rajonale kjo far armiqësia e pa përmbyllur sa i takon statusit”, tha ai
Pula më tej tha shtoi se Bashkimit Evropian i mungon aspekti i komponentës që t’i detyrojë palët të respektojnë vendimet kurdo që është e nevojshme.
Dje u zhvillua takimi i tretë midis kryeministrit të Kosovës, Albin Kurti dhe presidentin serb, Aleksandar Vuçiq në Bruksel, por pa ndonjë rezultat, ashtu si edhe takimi i qershorit dhe ai korrikut të vitit 2021. /teve1.info/
