Një burrë dhe dy vajza janë arrestuar nga Policia e Kosovës në Gjakovë pasi të njëjtit dyshohet se shpërndanë video në rrjete sociale duke gjuajtur me armë.
Policia të njëjtit i ka identifikuar, si dhe ka bastisur shtëpinë e tyre, ku pastaj ka sekuestruar një pistoletë.
Pas intervistimit, ata janë liruar në procedurë të rregullt.
“Është raportuar se në rrjete sociale, është duke qarkulluar një video ku shihen disa persona duke shtënë me armë zjarri. Lidhur me rastin janë identifikuar tre të dyshuar një mashkull kosovar dhe dy femra kosovare. Në konsultim me prokurorin është bërë bastisja në shtëpinë e të dyshuarave, ku gjatë kontrollit janë gjetur dhe sekuestruar një pistoletë dhe një karikator me 17 fishekë të kalibrit 9 mm”, thuhet në raportin ditor.
