Në prag të Lojërave Olimpike “Parisi 2024” që do të mbahen nga data 25 korrik deri me 11 gusht, ekipi i Kosovës me nëntë garues, ka mësuar orarin e garave.
Kosova do të garojë me pesë xhudistët, Distria Krasniqi, Nora Gjakova, Akil Gjakova, Laura Fazliu, Loriana Kuka, me boksierin Donjeta Sadiku, atleten Gresa Bakraçi dhe notarët Adell Shaboviq e Hana Beiqi.
Garuesja e parë nga Kosova që nis Olimpiadën do të jetë boksieria Donjeta Sadiku, e cila garon në kategorinë deri në 60 kilogram dhe merr pjesë për herë të dytë në Lojëra Olimpike.
Kampionia olimpike në Tokyo, Distria Krasniqi, është njëra nga kandidatet kryesore për të fituar medalje edhe në Paris. Distria do të garoj me të dielën më 28 korrik, në kategorinë deri në 52 kilogramë.
Një ditë më vonë, do të garojnë Nora dhe Akil Gjakova, Nora është në kategorinë 57 kg, teksa Akili në 73kg.
Me 30 korrik, do të garoj Laura Fazliu e cila bën pjesë në kategorinë 63 kilogram, e në të njëjtën ditë garon edhe notari Adel Shaboviq, në 100 metra stil të lirë.
Më 1 gusht garon xhudistja Loriana Kuka në kategorinë 68 kilogramë, ndërsa në dy ditët vijuese më 2 dhe 3 gusht garat i zhvillon edhe atletja Gresa Bakraçi përkatësisht notarja Hana Beiqi.
Kosova në pjesëmarrjen e tretë në Lojëra Olimpike Verore, vlerësohet favorite për të fituar medalje në sportin e xhudos dhe të boksit.
Deri më tani vetëm xhudistët kanë fituar medalje olimpike në dy Olimpiadat e fundit.
