Selektori i Kombëtares së Kosovës në futboll për femra, Sami Sermaxhaj ka bërë publike listën e të ftuarave për ndeshjen e këtij muaji në kuadër të Ligës së Kombeve.
Sermaxhaj ka ftuar 23 futbolliste për ndeshjen kundër Maqedonisë së Veriut, e cila luhet më datën 8 prill në stadiumin “Fadil Vokrri” në Prishtinë.
“Dardanet” po garojnë në Grupin 6 të Ligës C të Ligës së Kombeve, pjesë e të cilit janë edhe Maqedonia e Veriut e Letonia.
Në dy ndeshje të luajtura deri më tani në grup, Kosova ka një fitore dhe një humbje.
