Komisioni Qendror i Zgjedhjeve ka publikuar shpenzimet tremujore të subjekteve politike të përfaqësuara në Kuvendin e Kosovës.
Publikimi i raporteve të shpenzimeve të tremujorit thuhet se bëhet me qëllim të zbatimit të Ligjit nr. 08/L-122 për Financim të Subjekteve Politike.
Sipas këtij ligji, subjektet politike i dorëzojnë këto raporte në Zyrën për Regjistrim, Certifikim dhe Kontrollin Financiar të Subjekteve Politike (ZRCKFSP) dhe të njëjtat publikohen në ueb faqen e KQZ-së dhe të subjekteve politike.
Në raportin e dorëzuar në KQZ në tre muajt e parë të këtij viti Lëvizja Vetëvendosje ka shpenzuar mbi 1.7 milion euro.
Partia Demokratike e Kosovës ka shpenzuar në total 360 mijë e 313 euro.
Lidhja Demokratike e Kosovës ka shpenzuar 155 mijë e 334 euro.
Ndërkaq, Aleanca për Ardhmërinë e Kosovës për tre muajt e parë të këtij viti ka shpenzuar 67 mijë e 754 euro./teve1.info/
