Ministria e Arsimit, Shkencës, Teknologjisë dhe Inovacionit (MAShTI) ka njoftuar se këtë vit kalueshmëria e Provimit të Maturës në afatin e parë është 68.6%.
Sipas MASHT-it nga 18 mijë e 800 maturantë që kanë aplikuar, testit i janë nënshtruar 18 mijë e 130 maturantë, prej të cilëve kanë kaluar 12 mijë e 316.
MASHT-i ka njofton se, përmes platformës eKosova rezultatin preliminar e kanë marrë 18 mijë e 16 nxënës.
“Nxënësit e pa kënaqur me rezultat mund të parashtrojnë ankesë nga data 1 deri më 3 korrik, ndërsa certifikatën mund ta shkarkojnë nga platforma eKosova nga data 3 deri më 7 korrik”, bëhet e ditur në njoftim.
