Komisioni Qendror i Zgjedhjeve ka publikuar raportet financiare të partive politike të vitit 2024. Këto raporte janë të paauditura dhe mund të pësojnë ndryshime e saktësime gjatë procesit të auditimit.
Sipas këtij raporti të KQZ-së, të hyrat e Lëvizjes Vetëvendosje në vitin 2024 arritën shumën prej 2 milion e 337 mijë e 168 euro, ndërsa shpenzimet e kësaj partie ishin 1 milion e 805 mijë e 296 euro.
Të hyrat e Partisë Demokratike të Kosovës për vitin 2024 ishin 1 milion e 34 mijë e 134 euro, ndërsa shpenzimet 938 mijë e 548 euro.
Për Lidhjen Demokratike të Kosovës, të hyrat për vitin 2024 ishin 643 mijë e 47 euro, ndërsa shpenzimet 594 mijë e 398 euro.
Nga ana tjetër, të hyrat e Aleancës për Ardhmërinë e Kosovës në vitin 2024 ishin 325 mijë e 58 euro, ndërsa shpenzimet 907 mijë e 796 euro./kp
