Për dy ndeshjet e Superligës, në kuadër të javës së 27-të, që luhen sot nga ora 15:00, ekipet kanë publikuar përbërjet, me të cilat do të ndeshen ndërmjet veti.
Në Gjilan, nga ora 15:00, dy trajnerët Zekirija Ramadani te Drita dhe Granit Dervisholli te Feronikeli ‘74, kanë zbuluar 11-shet kundër njëri–tjetrit, me pak ndryshime nga të dy teknikët. Ramadani e ka pushuar Brojën e Smakiqin, ndërsa në sulm i beson Blerim Krasniqit.
Ndërkohë te ndeshja tjetër, Malisheva – Prishtina, trajneri i vendësve Bekim Isufi e ka lënë në bankë Etnik Brrutin, Pirrën e Xhakën, derisa te bardhekaltrit francezi Cavalli, vazhdon të eksperimentojë, duke ndryshuar sërish formacionin startues.
