Psikologu Rron Kastrati duke komentuar dhunën e ushtruar mbi 3 vjaçarin në kopshtin në Fushë – Kosovë, deklaroi se fëmiu në fjalë do të duhet ti nënshtrohet testeve psikologjike.
Kjo sepse sipas Katratit, pamjet e publikuara në media janë alarmante dhe traumatike.
“Sjelljet e tilla dhe dhuna e ushtruar ndaj fëmiut 3 vjeçar është alarmante dhe me pasoja traumatike se fëmiu tashmë duhet ti nënshtrohet testeve psikologjike në mënyrë që të përcaktohet shkalla e rrezikshmërisë së shfaqjes së atyre simptomave, të frikës emocioneve dhe reagimeve tjera që vijnë si rrjedhojë e dhunës apo abuzimit emocional e fizik ushtruar ndaj fëmiut”, tha ai në emisionin “InfoNata” në Tëvë1.
Teksa shtoi se “edukatoreve sot duhet që ti ofrohen instrumentet matëse dhe vlerësuese dhe të aplikohen vëzhgimet e detajuara në ato mjedise, sepse nga pamjet e regjistruara duket qartë se fëmiu qante dhe nuk gjente ngrohtësi. Kjo vie si rrjedhojë e një keq menaxhimi dhe jo profesionalizmi nga edukatoret”.
