Ndonëse ishte duke pësuar 1:0, Paris Saint-Germaini ka barazuar në fund me Monacon dhe është kualifikuar në një të tetën e finales së Championsit.
Të mërkurën mbrëma në “Parkun e Princave”, fituesi në fuqi i Ligës së Kampionëve luajti 2:2 me skuadrën tjetër franceze.
Por avancon tutje, falë fitores 3:2 në ndeshjen e parë në Monaco.
Maghnes Akliouche kaloi në epërsi 1:0 Monacon në minutën e 45-të. Kjo skuadër mbeti me një lojtar më pak në fushë në minutën e 58-të, kur u përjashtua Mamadou Coulibaly.
Marquinhos shënoi për 1:1 menjëherë në minutën e 60-të, kurse Khvicha Kvaratskhelia shënoi golin për 2:1 në minutën e 66-të.
Fare në fund, në minutën e 91-të për 2:2 shënoi Jordan Teze.
