Nuk ka kaluar pa befasi e dramë as mbrëmja e së mërkurës në Ligën e Kampionëve.
Përmbysja dhe ndeshja më e mirë e mbrëmjes ngjau në Paris, ku PSG nga disavantazhi prej dy golave e mposhti Manchester Cityn 4:2, duke u ngjitur në tabelë në mesin e ekipeve që synojnë fazën Play-off të nokautit, derisa City i Guardiolës duhet të shpresojë për një fitore dhe një mrekulli për të siguruar fazën tjetër.
Pjesa e parë u mbyll pa gola, por në start të pjesës së dytë, mysafirët shënuan shpejt dy gola përmes Grealish (50’) dhe Haaland (53’).
Reagimi ishte i shpejt nga parisienët që u kthyen në lojë pas tre minutave me Dembele (56’) dhe Barcola (60’).
Por momenti vendimtar i ndeshjes ishte minuta e 78-të kur Joao Neves shënoi për 3:2 dhe fitoren e tretë.
PSG-ja shënoi edhe golin e katërt në kohën shtesë përmes Ramos.
Befasi pati edhe në ndeshjen Feyenoord – Bayern me holandezët që triumfuan ndaj gjermanëve, 3:0.
Rezultatet komplete të ndeshjeve të së mërkurës janë:
PSG 3-2 Manchester City
Real Madrid 5-1 RB Salzburg
Arsenal 3-0 Dinamo Zagreb
Sparta Pragë 0-1 Inter
Celtic 1-0 Young Boys
Milan 1-0 Girona
Feyenoord 3-0 Bayern Munchen
RB Leipzig 2-1 Sporting
Shakhtar 2-0 Brest
