Presidenti amerikan, Donald Trump do të zhvillojë një takim me homologun rus, Vladimir Putin të premten në Alaska.
E për këtë takim eksperti i gjeopolitikës dhe sigurisë, Ilir Kulla ka thënë se pret një marrëveshje siç a ka quajtur ai të madhe.
Për këtë Kulla ka thënë se herën e fundit që është mbajtur një takim mes dy shteteve në Alaska ka përfunduar me një marrëveshje.
“Herën e fundit që ka pas një marrëveshje ndërmjet ShBA-së dhe Rusisë, ka qenë një marrëveshje që Rusia shiti Alaskën dhe pagoi borxhet e luftës me që pati me Perandorinë Osmane”, ka thënë Kulla.
Sipas tij, në këtë takim nuk do të flitet vetëm për armëpushimin në Ukrainë. Madje ai thotë se kjo çështje do të përbëjë vetëm 5 përqindëshin e bisedës.
“Përveç armëpushimit që do të jetë pika 1 e këtij takimi janë edhe disa pika tjera. Ukraina është vetëm 5 përqind e ‘marrëveshjes së madhe’.Bashkëpunimi ekonomik dhe rregullat e lojës të këtij bashkëpunimi mes dy blloqeve do të jetë në rendin kryesore të këtij takimi. E dyta do të jetë politika për Arktikun, polin e veriut, rrugët e kalimit, lëndët e para, mineralet. Mund të kemi një marrëveshje tjetër “të madhe” si ajo për Alaskën. E treta, do të flitet për anulimin e sanksioneve ndaj Rusisë. Do të flitet për tërheqjen e rusëve në territoret ku janë futur nëpërmjet aleatëve të tyre siç është Bjellorusia, por edhe të amerikanëve, duke ja lënë BE-së dhe NATO-s pjesën e sigurisë”, ka thënë Kulla.
