Kjo komunë brenda disa ditësh ka mbetur pa drejtor të Inspekcionit dhe atë Shëndetësisë.
Më datën 2 gusht drejtori i Inspekcionit, Besnik Mulliqi ka bërë të ditur se është shkarkuar.
E kjo sipas tij ndodhi për shkak të një aksioni të rrënimeve në fshatin Orllan.
“Ju njoftoj që sot pas një aksioni të rrënimeve në fshatin Orllan më saktësisht në zonën e liqenit të Batllavës, kam pranuar në emailin zyrtar vendimin për shkarkim nga ZKA. Pra, shkarkimi ka ndodhur si pasojë e përpjekve të mia të vazhdushme për t’a mbrojtur atë zonë dhe jo vetëm!Po, është e vërtetë që kemi pasur mospajtime të thella me Kryetarin e komunës së Podujevës, në njërën anë une në mbrojtje të ligjit dhe anën tjetër “Ai” në tentim për të më penguar!”, kishte shkruar ai në Facebook.
E një ditë pas shkarkimit të Mulliqit, ka dhënë dorëheqje drejtori i Shëndetësisë, Driton Veliu.
Duke mos dhënë detaje të shumta, nga komuna e Podujevës tregojnë arsyet e largimit të këtyre dy drejtorëve.
Nga kjo komunë kanë bërë të ditur se edhe pas tri jave në këto pozita ende nuk është emëruar askush.
Kronika e realizuar nga Doresa Geci.
