E mbani mend herën e fundit që keni derdhur lot? Ndoshta jo, ose mund ta keni afër në mendje.
Shumë njerëz e shohin të qarat si shenjë dobësie, por psikologët thonë se kjo është një keqkuptim i madh.
Përballja me emocionet tuaja kërkon forcë të madhe, dhe lotët e sinqertë kanë përfitime të jashtëzakonshme për trupin dhe mendjen.
Lotët i mbajnë sytë tuaj të shëndetshëm
Lotët lubrifikojnë kokërdhokët e syve dhe kanalin e lotit, duke i mbajtur sytë të lagur dhe të hidratuar.
Kjo ndihmon në parandalimin e thatësisë dhe problemeve të shikimit. Pra, nëse ndjeni sytë të thatë, një shikim i shkurtër i një filmi dramatik mund të jetë një zgjidhje më e shëndetshme se sa mendoni.
Të qarat luftojnë infeksionet
Lotët nuk janë thjesht emocionale, ato janë një mburojë natyrale kundër baktereve dhe viruseve.
Kur qani, sytë prodhojnë lizozimë, një substancë që mund të vrasë deri në 95% të baktereve në më pak se 10 minuta.
Kjo është veçanërisht e rëndësishme për zonën përreth syve, ku shpesh mund të përhapën mikrobet nga kontaktet e përditshme, si karrocat e dyqaneve ose lavamanet publike.
Pra, herën tjetër që ndjeni lotët duke u grumbulluar, mos i mbani!
Përveç lehtësimit emocional, atyre u duhet një “punë” e shëndetshme për trupin tuaj. Qani, dhe sytë tuaj, dhe trupi, do t’ju falenderojnë
