Jorge Mario Begoglio, i lindur në Buenos Aires, asnjëherë nuk kishte shkelur në vendlindjen e tij pasi që u bë Papa Francesku në 2013.
Françesku, i cili vdiq të hënën , tha pak për vendimin e tij për të qëndruar larg nga Argjentina. Por njerëz nga brenda dhe bashkëbiseduesit e Vatikanit thanë se Papa donte të shmangte përfshirjen në politikën polarizuese që karakterizonte vendin e tij.
Përplasja e tij ideologjike me presidentin aktual të ekstremit të djathtë Javier Milei , i cili mori detyrën në vitin 2023, krijoi edhe më shumë sfida.
Presidenti Milei, një ish ekspert televiziv dhe ekonomist i korporatës, e quajti Françeskun një “imbecil” dhe “përfaqësues të të ligut në tokë” përpara se të vinte në pushtet në vitin 2023 . Ai sulmoi Papën për promovimin e drejtësisë sociale, mbështetjen e taksave dhe simpatinë ndaj “komunistëve vrasës”.
Megjithatë, disa në Buenos Aires u ndjenë të përbuzur nga shmangia e Argjentinës nga Françesku, shkruan AP.
“Është e trishtueshme, sepse ne duhet të ishim krenarë që kishim një papë argjentinas ,” tha Ardina Aragon, 94, një mike dhe fqinje e vjetër nga lagjja e klasës së mesme të Flores , ku Françesku lindi në 1936. “Unë mendoj se kishte faktorë politikë që ndikuan tek ai.”
“Ai shkoi në Brazil, Peru, Kili; ai kaloi mbi kokat tona,” tha Lucia Vidal, një infermiere në pension që mori pjesë në meshën e Bergoglios kur ai ishte kryepeshkop. “Kjo më dhemb.
“Pavarësisht historisë së tij këtu, duket sikur ai nuk kujdeset për ne,” tha Bruno Rentería, 19 vjeç, i cili po lutej përpara një ikone të Virgjëreshës Mari në Bazilikën e San Jose de Flores në Buenos Aires.
Një raport i fundit i Qendrës Kërkimore Peë tregoi se popullariteti i Françeskut kishte rënë më shumë në Argjentinë se kudo tjetër në rajon gjatë dekadës së fundit. Rreth 64% e të anketuarve thanë se kishin një pikëpamje pozitive për Françeskun në shtator 2024, krahasuar me 91% në 2014.
