Eksperti i sigurisë dhe marrëdhënieve ndërkombëtare, Ilir Kulla, ka thënë se ardhja e islamit në trojet shqiptare ka ndodhur para ardhjes së Perandorisë Osmane.
Ai si fakt ka përmendur Xhaminë e Vjetër të Beratit.
Por, ai ka thënë se shqiptarët islamin e pranuan edhe pas largimit të perandorisë.
Për këtë ai ka thënë se është fakt historik se një gjë të tillë e kanë bërë banorët e Malësisë së Rugovës.
“Malësia e Rugovës është kthyer në islam pasi ka ikur Perandoria Osmane, është fakt historik. Pse u kthyen në islam pasi ka ikur Perandoria Osmane, për të ruajtur shqiptarizmin ndryshe do të asimiloheshin siç ka ndodhur me viset e tjera. Islami mes shqiptarëve ka ardhur 200 vjet para se të vinte perandoria, kemi dëshminë e Xhamisë së Vjetër të Beratit”, ka thënë ai në emision “Matrix” në Tëvë1.
