Në sallë si rrallë herë u panë 119 deputetë.
Mirëpo pavarësisht numrit të madh të tyre, të martën e 15 prillit nuk u arrit konstituimi i Kuvendit të Kosovës.
Partia fituese nuk arriti që t’i sigurojë votat për të miratuar raportin për verifikimin e mandateve të deputetëve.
52 vota për, 46 kundër dhe 11 abstenim ishin votat për këtë raport.
Bashkë me Vetëvendosjen, pro raportit votuan edhe tre deputetët e Nismës Socialdemokrate.
Ndërsa kundër ishin deputetët e tri partive opozitare, Partisë Demokratike, Lidhjes Demokratike dhe Aleancës për Ardhmërinë e Kosovës.
Ndërsa pjesë e abstenimit për këtë pikë, ishte deputetja nga radhët e PDK-së, Kosovare Murseli.
Për këtë abstenim, ajo dha këtë arsyetim.
Për të arritur dakordim, u kërkua edhe njëherë pushim.
Mirëpo edhe kjo përpjekje nuk mundësoi që i njëjti raport të votohet.
