Erdhi si dëshmitar.
Afrim Caka u paraqit në Gjykatën Themelore në Prishtinë për të dëshmuar për krimet e luftës në rajonin e Gjakovës, në gjyqin kundër Jusuf Shujak.
Ai rrëfeu për dhunën që vëllau i tij e kishte përjetuar.
“Aty e rrahën vllaun, e rrahën qaq keq edhe s’mund të përshkruhet ajo”, u shpreh Caka
Dëshmitari tregoi detaje nga 10 maji i vitit 1999, ku persona të uniformuar e të armatosur, kishin rrethuar shtëpinë e tij ku tha se të njëjtit, kishin kryer edhe tri vrasje të civilëve shqiptarë.
“Kur janë hi këta policët mrenda, e kanë mbyllë derën e oborrit. Muhamet Dyla ishte jashtë, dhe në ndërkohë, pa asnjë llaf goje që të dytë i vrasin. Ndërkohë, Muhamet Dyla i ndjeri, i vrarë aty, hy që ta marrë qumështin për mbesat e vogla. U afru afër derës edhe i ka thanë Jusufit, “Pse bre Jusuf, i vratë edhe ata?”, tha dëshmitarai Caka.
Mirëpo, dëshmitari beson se numri i vrasjeve në atë zonë është më i madh se sa numri i vrasjeve në gjyqin kundër Jusuf Shujak.
“Nuk flitet për tri raste të vrasjeve, por për gjashtëdhjetë vrasje. Plus edhe dhjetë tjerë që u vranë në Dubravë, nga grupi jem”, tha ai
Sipas dëshmitarit, në gjithë këto krime gisht pati i akuzuari Shujak.
“E kam pa të unë në shtëpi, në oborr. Ka qenë me uniform policore të kaltër, të kamufluar, ka pasur kapelë policore. Disa policë, kolegë të tij kanë pasur shishira. Me rëndësi që e kemi pa, në brez ka pasë allti, bomba dore, ka pasë thikë dhe automatin në dorë”, deklaroi Caka.
Shujak përpos vrasjeve, akuzohet edhe për djegie, plaçkitje e bastisjeve të shtëpive të shqiptarëve e dëbim të tyre nga Gjakova, në mes periudhave 1998-1999.
