Kryetari i PSD-së, Dadan Molliqaj, tha se deklarata e Kurtit është e rrezikshme dhe e papranueshme ku cilësimin kryesor e ka desubjektivitetin e njeriut.
“Deklarata e kryeministrit Kurti është skandaloze, është e papranueshme dhe cilësimin kryesor e ka desubjektivimin e njeriut. Në momentin që kjo qasje është që ndodh se qeniet kryesore nuk kanë objektivitet. Ato janë objekte që marrin rëndësinë varësisht nga nevojat e kryeministrit. Në mbrëmje bjen si kriminel dhe në mëngjes zgjohet si hero”, tha ndër të tjera Molliqaj.
Sipas tij, Kurti i ka quajtur ekstremistë 9 mijë qytetarë të Republikës së Kosovës të cilët nuk i kanë konvertuar targat ilegale në RKS ndërsa e nderon një person i cili ka qenë pjesë e themelimit të organizatës kriminale.
“Kjo ndodh sepse kryeministri i Kosovës për idenë e madhe të vetës i lejohet me ba çdo gjë, një gjë të tillë e kanë bërë pushtetet totalitare, Enver Hoxha i shpallte kundërshtar ata që e kundërshtonin Jugosllavinë, por kur u prish me Jugosllavinë i shpallte heronj ata”, tha Molliqaj duke bërë krahasime në mes të tij me Kurtin.
Sipas Molliqajt kjo tendencë është e rrezikshme për faktin që këtu po e lavdëron e ngrit një njeri që është përgjegjës për vrasjen e shumë qytetarëve e krimeve.
“Nëse kjo nuk ndalohet nga qytetarët, një ditë ata që e kundërshtojnë interpretimin e tij edhe do të arrestohen”, tha Molliqaj ndër të tjera.
Molliqaj kërkoi nga Kurti që të kërkoj falje dhe çdo publikim që ka ndodhur të tërhiqet me kërkimfalje nga kryeministri, përndryshe tha se vetëm sa po e konfirmon qasjen e tij, siç e quajti Molliqaj të rrezikshme për shoqërinë Kosovës.
