Partia Socialdemokrate e Kosovës, përmes një aktiviteti simbolik para objektit të Qeverisë së Kosovës, i ka paraqitur disa karta të identitetit të Serbisë, të cilat tha se Kosova është pajuar t’i njoh si legjitime, me marrëveshjen e fundit Kurti-Vuçiq.
“Pra shteti jonë, Qeveria, me marrëveshjen e vitit 20202, të pashkrume po thonë, e ka legalizu që i pranon dokumentet që e trajtojnë Kosovën si pjesë të Serbisë. Ky nuk është reciprocitet, ky është legalizim i trajtimit etnik”, tha Molliqaj.
Sipas tij, kjo në pankartë është karta e identitetit e cila paraqet në të vërtetën, e cila nuk u tha në marrëveshje me Vuqiqin.
“Në atë që ka dakordu Kurti me Vuqiçin, ka mrri që në Kosovë mund të futesh me këtë dokument, me këtë dokument identifikohesh në pikën kufitare me Serbinë e ky dokument Kosovën e trajton si pjesë të Serbisë”, tha Milliqaj.
Molliqaj ndër të tjera shtoi se dialogu Kosovë-Serbi i ka pësuar ndryshime e zhvillime, derisa e akuzoi qeverinë aktuale se nuk është deklaruar për marëveshjet e arritura.
“Për herë të parë kemi dakordim në mes Kosovës e Serbisë e nuk kemi marrëveshje. Pra janë dakord po nuk na kanë kallxu çka janë marrë vesh”, tha Molliqaj.
Reagimi i PSD-së vjen pas marrëveshjes së arritur javën e kaluar në mes të kryeministrit të Kosovës, Albin Kurti dhe presidentit serb Vuçiq, për lehtësimin e lëvizjes së qytetarëve të të dyja shteteve.
