Partia Socialdemokratë do të marrë pjesë në “Marshin për Drejtësi” që organizohet më 2 prill në mbështetje të ish-luftëtarëve të UÇK-së që po gjykohen në Hagë.
Këtë e ka konfirmuar Dardan Molliqaj, kryetar i këtij subjekti politik.
Ai ka shkruar se UÇK nuk mund të gjykohet.
“Fillimi i “Procesit” të Hagës nuk duhet të kalojë si një lajm i rëndomtë protokollar. Për neve që besojmë se UÇK-ja nuk mund të gjykohet, ky është një proces i padrejtë pavarësisht verdiktit.
UÇK është përpjekja-dëshmi. Marshojmë më 2 prill, si qytetarë të lirë, kundër qasjeve anakronike që gjykojnë përpjekjen për liri.
Më 2 prill “Marshojmë për drejtësi”, në mbështetje të UÇK-së, në solidaritet me njerëzit që i kemi nën akuzë”, ka shkruar Molliqaj.
