Anëtarët e Partisë Socialdemokrate kanë mbajtur një aksion simbolik, duke mbyllur me dry e zinxhirë derën e Komisionit të Pavarur për Media.
Këtë protestë PSD e mbajti pas vendimit që bordi i KPM-së sipas tyre, është mbledhur me urdhër të Qeverisë së Kosovës, pas pezullimit të certifikatës së biznesit të Klan Kosovës nga ana e MINT-it.
“Aparatçikët që duan të na e mbyllin gojën i mbyllem brenda. KPM sot është mbledhur me urdhër të Qeverisë. Duan ta shfrytëzojnë gjendjen e krijuar me Serbinë për të na e mbyllur gojën. Rreziku nga Serbia nuk mund ta justifikojë diktaturën brenda. Përkundrazi, liria e demokracia janë fituar me luftë. Ato nuk do të dorëzohen kurrë, për asnjë çmim”, thuhet në njoftimin e partisë.
Dje, MINT-i mori vendim që të pezulloj certifikatën e biznesit të Klan Kosovës, ku reagime pati nga drejtuesit e mediave në vend./teve1.info/
