Nesër Partia Socialdemokrate (PSD) do të organizojë një protestë për të kundërshtuar marrëveshjen e dakorduar mes kryeministrit të Kosovës, Albin Kurti dhe presidentit të Serbisë, Aleksandar Vuçiq.
Anëtarët e PSD-së kanë publikuar pamje nga përgatitjet për këtë protestë, ku shihen edhe disa pankarta në të cilat shkruan “De facto e keni ba m**”, “De juro e keni ba m**”, “Jo Asociacion, Po demokraci!” e të tjera, duke iu kundërpërgjigjur kështu deklaratave të qeveritarëve se me atë marrëveshje Serbia e njeh de fakto Kosovën.
Protestën e PSD-së e mbështesin edhe Nisma Socialdemokrate dhe organizata OVL-UÇK-së.
Protesta e nesërme fillon nga ora 14:00 në sheshin “Zahiri Pajaziti.
