Në procesin gjyqësor ndaj katërshes së UÇK-së, me kërkesë të Zyrës së Prokurorit të Specializuar, do të përdoren si prova disa dëshmi të disa dëshmitarëve të vdekur në rastin e njohur si “Kleçka”. Sipas Dhomave të Specializuara, u takon gjyqtarëve që ta vlerësojnë peshën dhe vlerën e tyre.
Në kuadër të gjyqit të katërshes së UÇK-së, pritet që të shtohen edhe disa prova.
Pasi prokurorët e specializuar kanë kërkuar që të përdoren si prova dëshmitë e disa dëshmitarëve në ratin e njohur “Kleçka” në Kosovë, të cilët nuk jetojnë më.
Pjesërisht kjo kërkesë është aprovuar nga Gjykata Speciale.
Paneli është i kënaqur që provat e propozuara janë relevante (përfshirë lidhjen me krimet e supozuara të kryera në Kleçkë dhe Shalë) në shikim të parë. Disa aspekte të provat e dëshmitarit janë në përputhje dhe vërtetohen nga deklaratat e dëshmitarëve të tjerë dhe materialet e tjera të cilat tashmë janë pranuar.
Kjo ishte kundërshtuar përmes parashtrimeve nga mbrojtja e katërshes.
E avokati, Kadri Osaj, konsideron se mbrojtja e të akuzuarve duhet të tregohet e kujdesshme gjatë administrimit të këtyre provave.
Nga Dhomat e Specializuara, bëhet e ditur se me rregullore është e paraparë kjo çështje.
Por që, i mbetet trupit gjykues në vlerësimin e këtyre provave.
“Rregullorja e Procedurës dhe e Provave thotë se dëshmitë me shkrim të personave që kanë vdekur që atëherë mund të pranohen nëse gjyqtarët janë të bindur se “deklarata, procesverbali ose transkripti ne shikim te pare është i besueshëm…”. Ashtu si me çdo provë, do të jetë në dorën e gjyqtarëve gjatë gjykimit të përcaktojnë peshën dhe vlerën e deklaratave të tilla në kontekstin e çështjes së përgjithshme”, tha Michael Doyle – zëdhënës i dhomave të specializuara.
Për këto, ZPS është urdhëruar që t’i zbulojë regjistrimet me pamje dhe me zë, të intervistave të dëshmitarëve që i posedon.
