Një ditë para derbit lokal me Bashkimin, skuadra e Proton Cable Prizrenit ka prezantuar përforcimet e reja.
Ekipi nga Prizreni ka zyrtarizuar hiq më pak se tre lojtarë amerikanë, të cilët do të jenë pjesë e klubit për pjesën e mbetur të këtij sezoni.
Omar Jamaleddine, Jeremiah Kendall dhe Darryl Jordan do ta ndihmojnë Proton Cable Prizrenin në arrijen e objektivave këtë sezon, duke e ngritur në katër numrin e lojtarëve të huaj.
Megjithatë, vetëm fundori Jamaleddine do të debutoj te kjo skuadër në derbin kundër Bashkimit, ndeshje kjo që luhet të shtunën prej orës 17:00 dhe i takon xhiros së dhjetë të Superligës së Kosovës.
Aktualisht, Proton Cable Prizreni ka tubuar 11 pikë dhe zë vendin e parafundit në tabelë me 2 fitore e 7 humbje në 9 ndeshje të luajtura deri më tani këtë sezon.
