Amerikani Trevon Spencer është përforcimi i parë te Proton Cable Prizreni për sezonin 2024/25 në Superligën e Kosovës në basketboll.
Ekipi nga Prizreni, të premten e ka prezantuar amerikanin Spencer, i cili me skuadrën kosovare ka firmosur kontratë njëvjeçare.
Spencer luan në pozitat 1 dhe 2, ndërsa në Kosovë do të luaj për herë të parë si profesionist.
Ai vjen nga kolegji amerikan “Barton” që bën gara në NCAA2 dhe sezonin e fundit ka pasur një mesatare prej 12 pikëve, 6 kërcimeve dhe 2 asistimeve për ndeshje.
Para Spencerit, Proton Cable Prizreni për sezonin e ri, ka angazhuar edhe lojtarët vendor si Edmond Kryeziu, Rilind Krasniqi e Burim Zekiqi.
