Menjëherë pas publikimit të lajmeve për sulmin rus kundër Ukrainës, demonstruesit u mblodhën jashtë ambasadave ruse dhe pika të tjera në shumë pjesë të botës, shkruan Aljazeera.
Sot protestuesit valëvitnin flamuj të Ukrainës verdhë-blu. Shumë nga demonstruesit, duke përfshirë emigrantët ukrainas, mbanin pankarta duke thënë “Ukraina do të rezistojë” dhe “Thuaj Jo Putinit”.
Presidenti ukrainas Volodymyr Zelenskyy e krahasoi pushtimin rus të vendit me fushatat ushtarake të kryera nga Gjermania naziste gjatë Luftës së Dytë Botërore, përcjell Tëvë1.info.
“Rusia e ka sulmuar Ukrainën në një mënyrë frikacake dhe vetëvrasëse siç bëri Gjermania naziste gjatë Luftës së Dytë Botërore”, tha ai në një konferencë në internet, gjatë së cilës ai u bëri thirrje ukrainasve të “dalin” dhe të “protestojnë kundër kësaj lufte”. /teve1.info/
