Për kalimin e rrugës kanë nevojë për ndihmën e të rriturve.
E dikujt tjetër, këtu i duhet goxha kohë për ta kthyer veturën.
E shumë raste si këto në Gllamnik të Podujevës përfunduan me aksidente.
Kjo gjendje e krijuar, bëri që të dielën banorët e këtij fshati të mblidhen për të protestuar.
Kjo me kërkesën që në këtë vend në magjistralen Prishtinë – Podujevë, të vendoset një rrethrrotullim.
“Çdo ditë kemi vajtje ardhje këtu, jemi të rrezikuar, çdo javë ka këtu ndeshje, prej shpejtësisë së madhe që veturat e zhvillojnë. Prandaj ne si qytetar, kemi bërë kërkesën pranë organeve të pushtetit qendror dhe lokal”, tha Osman Bahtiri, përfaqësues i fshatit.
Banorët e Gllamnikut thonë se me planin rrugor, këtu është paraparë ndërtimi i një rrethi.
Por një gjë e tillë, nuk po ndodh.
E kjo gjendje, thonë së më së shumti po e rrezikon jetën e fëmijëve.
“Rreziku i madh është të fëmijët, nuk ka kush i çon (në shkollë) duhet me dal këtu me shku në shkollë. Këtu vec me mbet një kujdestar që më ua kalu rrugën”, shprehet ai.
Kjo është hera e dytë që banorët e Gllamnikut, po protestojnë me kërkesa të njëjta.
Ndërsa protestat thonë se nuk do t’i ndalin, derisa të plotësohet kërkesa e tyre.
“Ne iu tregojmë edhe komunës edhe ministrisë së infrastrukturës, që kërkesa e banorëve është e qartë dhe nuk lejojmë që në pjesë të tjera të fshatit të vendoset rrethi, për interesa të individëve të cilët janë të lidhur ngusht me kryetarin e komunës së Podujevës”, shprehet një qytetar.
Një tjetër banor, thotë se e pësoi pikërisht në këtë vend.
Gjatë protestës, banorët kaluan edhe në pjesën tjetër të rrugës.
Pas gjysmë orë, protestuesit u shpërndanë të qetë.
