Me pankarta në duar, dolën në sheshet e Prishtinës.
Në kërkim të mbrojtjes së të drejtave të punëtorëve, Sindikata e Re e KEK-ut, Kolektivi Feminist, Qendra Sociale “Përpjekja” e aktivistë të pavarur protestuan të enjten në ditën ndërkombëtare të punëtorëve
Ngritja e pagave e përmirësimi i kushteve të punës ishin disa nga kërkesat e këtyre protestueseve.
“Kërkesa kryesore e kësaj proteste është ngritja e pagave duke marrë parasysh inflacionin që ka ndodh kohëve të fundit pra rritjen e çmimit të energjisë elektrike. Ne punëtorët e KEK-ut sfidohemi me jetë prodhojmë rrezikojmë shëndet kurse dikush tjetër po bëjnë milionat”, tha Nexhat Llumnica nga Sindikata e Re Punëtorëve të KEK-ut.
E madje nga aktivistet u kërkua që gratë të paguhen për punët e shtëpisë të cilat i kryejnë.
“Gratë në këtë shoqni punojnë dy herë një herë në vendin e tyre të punës e pastaj në shtëpi. Por puna e tyre nuk njihet nuk paguhet nuk respektohet është një ounë e heshtur që mbahet mbi supet tyre”, tha Anita Nikaj -aktiviste.
E protestë organizuan edhe sindikata e Sektorit Pavarur e Sektorit Privatë.
Madje nga këtu u dha një ultimatum për ngritjen e pagës minimale.
“ Që nga dita e sotme ne japim një afat deri me 1 shtator nëse paga minimale nuk do jetë 600 euro, ne në mënyrë unanime do t’i bojkotojmë dhe të mos kryejmë punën tonë, nuk po kërkojmë lluks”, u shpreh Jusuf Azemi nga Sindikata e Punëtorëve të Sektorit Privat.
Nga kjo Sindikatë mes tjerash u bë e ditur se për me pak se katër muaj 10 punëtorë kanë humbur jetën në vendin e tyre të punës.
