Në këtë formë është e bllokuar tash e disa javë.
Rruga përballë ndërtesës së Komunës së Leposaviqit, po shfrytëzohet si vendqëndrim për protestuesit.
Për dallim nga ditët e kaluara, vetëm një autoblindë e KFOR-it tanimë është e pozicionuar brenda kordonit të sigurisë, derisa autoblindat tjera janë zëvendësuar me vetura tjera.
Nga mesdita, atyre iu bashkua edhe një mjet tjetër i KFOR-it.
Në gjendje gatishmërie, pjesëtarët po mbajnë mjetet e tyre.
Për shkaqe sigurie, në skaje të kordonit po qëndrojnë edhe telat me gjemba.
E protestuesit, po qëndrojnë të shpërndarë në grupe të vogla.
Hapësirat e destinuara për ta, së bashku me tendat, nuk janë të gjitha të mbushura me njerëz.
Përkundër krejt kësaj, flamuri i shtetit të Kosovës, vazhdon të valëvitet në krye të ndërtesës së komunës së Leposaviqit.
Ndërkohë që Policia e Kosovës nuk është prezente në këtë pjesë së bashku me KFOR-in.
