Deputetja e Lëvizjes Vetëvendosje, njëherësh bashkëshortja e Rexhep Selimit, Shqipe Mehmeti-Selimi, ka dalur në përkrahje të protestës së sotme që u mbajt në Hagë.
Mehmeti-Selimi, përmes një postimi në Facebook, ka thënë se protesta ishte e domosdoshme dhe në vendin e duhur.
Ajo ka shprehur mirënjohjen për të gjithë qytetarët nga Kosova dhe nga mbarë bota që u bashkuan në Hagë.
“Protestë e domosdoshme dhe në vendin e duhur. Shpreh mirënjohjen time dhe i falënderoj të gjithë qytetarët nga Kosova dhe nga mbarë bota që u bashkuan në Hagë, për të ngritur zërin kundër padrejtësive që po ndodhin në Hagë”, ka shkruar ajo në Facebook.
