Punëtorëve të “Trainkos” e “Infrakos”, protestuan të hënën për herë të dytë, këta kësaj radhe patën vetëm një kërkesë.
“Kërkesat tona janë të thjeshta, në kërkojmë ngritjen e pagës për punëtorët e ‘Trainkosit’.U bë që 15 që nuk është ngritur paga, ju po e kuptoni inflacioni sa ka shkuar në përmasa shqetësuese dhe për punëtorët e ‘Trainkos’ e ‘Infrakos’, u bë një brengë e madhe puna e pagave (të ulëta)”,tha Florim Gjyrevci nga Sindikata e “Trainkos”
Por, sa paguhen tani punëtorët e “Trainkos” e “Infrakos”.
“Pagat janë shumë të ulëta. Një mekanik e ka pagën 370 euro. Një makinist e ka pagën 420 euro. Po flasim për paga neto. Një inxhinier e ka pagën 495 euro. Për punën që e kryejnë këta, pagat janë shumë të ulta.Të njëjtat halle kanë edhe punëtorët e kompanisë tjetër të hekurudhave, asaj të ‘Infrakos’, tha Gjyrevci.
Përfaqësuesi i kësaj sindikate, Hysen Nikqi, tregon hapat që do t’i ndërmarrin nëse nuk plotësohen kërkesat e tyre.
“Deri në këtë moment, nuk kemi marrë asnjë përgjigje zyrtare, qoftë një telefonatë për ndonjë takim të mundshëm. Ne jemi prononcuar edhe në kohën e protestës, nëse nuk reflekton bordi apo qeveria, ne me datën 26 kemi paralajmëruar grevë të përgjithshme në krejt territorin e Kosovës. Dy kompanitë do ta ndalim punën”, tha Nikqi.
Ndërkohë gjatë ditës, kanë reaguar nga bordi i “Infrakos”
Këta thonë se në dy vitet e fundit, punëtorëve ua kanë siguruar shujtat ushqimore dhe sigurimin shëndetësor.
“Në takimet e rregullta që kemi zhvilluar me përfaqësuesit e Sindikatës së Pavarur, kemi shprehur vullnetin tonë për dialog dhe bashkëpunim. Ne kemi sqaruar se përkundër vështirësive financiare aktuale, kërkesat e tyre do të shqyrtohen me prioritet sapo të krijohen kushtet e përshtatshme financiare – veçanërisht pas vënies në funksion të linjës së 10-të hekurudhore, që do të ndikojë pozitivisht në të hyrat e kompanisë”, kanë thënë nga “Infrakos”.
Ndërkohë deri në momentin e publikimit të lajmit, Tëvë1 nuk arriti të marrë përgjigje nga kompania tjetër, “Trainkos”.
