E mërkura i bëri bashkë gjithë ministrat.
Në rend të ditës ishin 7 pika.
E gjatë kësaj mbledhjeje u bë e ditur se janë ndarë 520 mijë euro për ristrukturimin e objektit në Institutin e Mjekësisë Ligjore.
“Nga ministria e Drejtësisë kemi pranuar kërkesë për ndarje të mjeteve buxhetore në shumën prej 520 mijë euro dhe kjo kërkesë ndërlidhet me nevojën për renovimin e kulmit dhe rikonstruksionin e hapësirave të brendshme të objektit të IML-së”
E vendim tjetër, Qeveria e Kosovës ka marrë për blerjen e objekteve për nevojat e misioneve diplomatike në Romë, Paris, Otave dhe Ankara.
E ministrja e Ekonomisë, Artane Rizvanolli ka propozuar themelimin e një ndërmarrjeje të re publike, të quajtur “ Korporata e Ruajtjes së Energjisë”.
Siç bëri të ditur ajo, kjo ndërmarrje do të ketë në pronësi dhe do të menaxhojë kapacitete prej 125mkgv të sistemit të ruajtjes së Energjisë me bateri, të cilat do të ndërtohen përmes programit kompakt mes Republikës së Kosovës dhe SHBA-së, të përfaqësuar nga korporata e sfidave të mijëvjecarit MCC, në vlerë të 236 milionë dollarë.
Mbledhja e Qeverisë vazhdoi me propozim vendimet e tjera brenda rendit të ditës, të cilat morën mbështetje nga i gjithë kabineti.
