Situatë e tensionuar në veriun e vendit, po vazhdon të jetë tash e më shumë se 1 muaj.
E për shkak se kryeministri i vendit Albin Kurti, akoma nuk ka pranuar planin e BE-së për de-përshkallëzim, Unioni Evropain, vendosi një sërë masash ndaj Kosovës.
Krahas thirrjeve për të dëgjuar aleatët, partitë opozitare filluan të ndërmarrin edhe masa.
Gjatë së mërkurës, Aleanca për Ardhmërinë e Kosovës doli me propozimin që të formohet një Qeveri për Unitet Kombëtar. Qeveri e cila përbëhet nga të gjitha partitë politike, por pa kryeministrin Albin Kurti.
E njohës të rrethanave politike, flasin për mundësitë që të ndodhë një gjë e tillë.
Analisti, Fidan Ukaj vlerëson se realizimi i propozimit të Haradinajt, është pothuajse i pamundur për shkak të stabilitetit politik që ka partia në pushtet, Lëvizja Vetëvendosje.
Madje sipas Ukajt, në situatën në të cilën gjendet vendi, partitë opozitare duhet të jenë njëzëri me kryeministrin Kurti.
Edhe njohësi i çështjeve politike, Arbnor Sadiku thotë se formimi i një mekanizmi të tillë është vështirë i realizueshëm. Ai vlerëson se rrëzimi i kryeministrit Kurti nga pushteti, mund të vij vetëm nga zgjedhjet nacionale të parakohshme.
Ndryshe nga AAK-ja, Partia Demokratike e Kosovës, vendosi të ndërprejë cdo komunikimin me liderët shtetërorë, të bojkotojë votimin në cdo institucion e të ketë zgjedhje të jashtëzakonshme. Ndërsa, LDK-ja ka filluar takimet për të prezantuar planin e tyre që të dilet nga kriza.