Në ambientet e shkollës fillore “Naim Frashëri” në Prishtinë është bërë promovimi i librit “Ëndrrat e mia” e autores Vlerë Bekolli, nxënëse e kësaj shkolle.
Në promovimin e librit u vlerësua puna dhe talenti i nxënëses Bekolli.
Drejtoresha e shkollës vlerësoi punën dhe përkushtimin e autores, duke e cilësuar librin një arritje të madhe për një nxënëse kaq të re.
Ndërsa, kujdestarja e klasës, Gëzime Azemi gjithashtu, shprehu krenarinë e saj për Vlerën dhe e inkurajoi atë të vazhdojë me pasionin për shkrim.
Në fund, vetë Vlera foli për frymëzimin që e çoi drejt krijimit të këtij libri dhe emocionet që ndjeu gjatë procesit.
Klasa VII/2 kishte përgatitur një dhuratë simbolike për Vlerën dhe ceremonia përfundoi me një koktej rasti nga familja e Vlerës.
“Ky promovim ishte një dëshmi e përkushtimit të shkollës sonë për të mbështetur dhe inkurajuar talentet e reja. Me aktivitete të tilla, ne synojmë të krijojmë një mjedis ku çdo nxënës mund të zhvillojë pasionet e tij dhe të përmbushë potencialin që ka. Shkolla do të vazhdojë të përkrahë dhe të promovojë të rinjtë që duan të ndjekin ëndrrat dhe ambiciet e tyre, duke u bërë një platformë e vërtetë për zhvillimin e talenteve dhe krijimtarisë.”, thuhet në njoftimin e shkollës ku Vlera vijon mësimet./teve1.info/
