Prokuroria Speciale ka reaguar pasi kryeministri i Kosovës, Albin Kurti nuk i është përgjigjur urdhrit të Gjykatës për dhënë dëshmi në Prokurori
Në një komunikatë për media nga Prokuroria Speciale, thuhet se do ky institucion do të veprojë sipas legjislacionit në fuqi, pasi Kurti nuk është paraqitur në Prokurorinë Speciale.
“Prokuroria Speciale e Republikës së Kosovës, pas interesimit të shumë gazetarëve, informon se dëshmitari A.K. nuk është paraqitur në Prokurorinë Speciale për të dhënë dëshminë e tij edhe përkundër faktit se i njëjti ka qenë i obliguar me Urdhër të Gjykatës Themelore në Prishtinë që të paraqitet në cilësi të dëshmitarit, për të dhënë dëshminë e tij me datë 04.03.2025 në ora 10:00, në Prokurorinë Speciale të Republikës së Kosovës. Prokuroria Speciale e Republikës së Kosovës edhe në këtë rast penal, sikurse në të gjitha rastet tjera do të veproj duke respektuar legjislacionin në fuqi”, thuhet në komunikatë.
Kryeministri i Kosovës, Albin Kurti, sot ka qenë i urdhëruar nga Gjykata Themelore të japë një dëshmi në Prokurorinë Speciale të Kosovës, nga ora 10:00, por ai nuk është paraqitur atje, por ka marrë pjesë në një aktivitet në Gjilan.
Nga atje, Kurti tha se asnjëherë nuk ka refuzuar që të jap dëshmi, por e ka ripërsëritur ftesën që prokurorët të marrin dëshminë e tij nga zyra e shtetit.
Çfarë masash mund të ndërmerren ndaj Kurtit pas refuzimit për tu paraqitu në Prokurori
Kurti: Prokuroria po e lufton Qeverinë, s’është e interesuar për drejtësi
