Prokuroria Speciale e Kosovës ka mirëpritur aktgjykimin fajësues të Gjykatës Themelore në Prishtinë ndaj Dejan Pantiq, Milun Milenkoviq dhe Aleksander Vlajiq, të akuzuar për sulmin terrorist ndaj zyrës së Komisionit Qendror të Zgjedhjeve (KQZ), në dhjetor të vitit 2022 në Mitrovicë të Veriut.
Sipas PSRK-së, ky vendim është një hap i rëndësishëm drejt vendosjes së drejtësisë dhe dërgon një mesazh se aktet e dhunës dhe kërcënimet ndaj institucioneve demokratike të Republikës së Kosovës nuk do të tolerohen.
“PSRK, është e përkushtuar në punën e saj për të garantuar sigurinë e institucioneve dhe funksionimin normal të tyre, dhe sigurinë publike”, thuhet në reagim.
Gjykata Themelore në Prishtinë ka dënuar me burgim tre nga katër të akuzuarit për sulmin terrorist në zyrat e KKZ-së në dhjetor të vitit 2022 në Mitrovicë të Veriut.
Tre nga katër të akuzuarit për sulmin në zyrat e KKZ-së në veri dënohen me burgim
