Prokuroria Speciale e Republikës së Kosovës, të hënën ka ngritur aktakuzë ndaj ish-kryeshifit të KEK-ut, Nagim Krasniqi.
Sipas aktakuzës Krasniqi duke filluar nga data 15 tetor 2021 e në vazhdimësi deri me datë 19 prill 2023, në cilësinë e personit zyrtar, duke e shfrytëzuar detyrën zyrtare, kishte kryer veprën penale Keqpërdorimi i pozitës apo autoritetit zyrtar.
“Prokuroria Speciale e Republikës së Kosovës, ka ngritur aktakuzë në Gjykatën Themelore në Prishtinë – Departamentin Special, kundër të pandehurit N.K.Sipas aktakuzës i pandehuri N.K. duke filluar nga data 15 tetor 2021 e në vazhdimësi deri me datë 19 prill 2023, në cilësinë e personit zyrtar, duke e shfrytëzuar detyrën zyrtare, kishte kryer veprën penale Keqpërdorimi i pozitës apo autoritetit zyrtar e përcaktuar me nenin 414 par. 2 lidhur me nenin 77 të KPRK-së”, thuhet në komunikatën për media.
Krasniqi ishte arrestuar më 19 prill të vitit të kaluar, pas bastisjeve të Njësisë së Hetimeve Speciale, në zyrën e tij në KEK dhe në dy banesat e tij. Ai dyshohet se ka kryer veprat penale “Keqpërdorim i detyrës zyrtare”, “Ushtrim ndikimi” dhe “Konflikt interesi”.
Krasniqi ishte suspenduar dhe më pas liruar nga detyra e kryeshfit në KEK./teve1.info/
