Sipas komunikatës, po ashtu me urdhër të Prokurorit të Shtetit, janë ndaluar 16 persona të dyshuar dhe janë bërë 6 kërkesa për caktim të paraburgimit ndaj 8 personave të dyshuar se kanë kryer vepra të ndryshme penale.
Sipas komunikatës, Prokuroria Themelore në Prishtinë, me urdhër të prokurorit ka ndaluar 13 persona dhe ka paraqitur tri kërkesa për caktimin e masës së paraburgimit ndaj pesë personave. Po ashtu, kjo prokurori ka ngritur 43 aktakuza kundër 56 personave për vepra të ndryshme penale.
Prokuroria Themelore në Prizren, gjatë kësaj kohe ka parashtruar një kërkesë për caktim të paraburgimit kundër një të dyshuari. Ndërsa, nga kjo prokurori janë ngritur 12 aktakuza kundër 17 personave, për vepra të ndryshme penale.
Prokuroria Themelore e Pejës, ka ndaluar dy persona të dyshuar në kohëzgjatje prej 48 orësh.
Sipas komunikatës së Prokurorit të Shtetit, Prokuroria Themelore në Gjilan, gjatë 24 orëve të fundit ka parashtruar një kërkesë për caktimin e masës së paraburgimit kundër një personi dhe ka ngritur 16 aktakuza kundër 17 personave.
Po ashtu Prokuroria Themelore në Gjakovë, gjatë 24 orëve të fundit, me urdhër të prokurorit kujdestar, ka ndaluar një person të dyshuar në kohëzgjatje prej 48 orëve si dhe ka bërë një kërkesë për caktimin e masës së paraburgimit kundër një personi të dyshuar.
Prokuroria Themelore në Mitrovicë ka ngritur 30 aktakuza kundër 38 personave për vepra të ndryshme penale.
Prokuroria Themelore në Ferizaj, gjatë 24 orëve të fundit ka ngritur 13 aktakuza kundër 21 personave për vepra të ndryshme penale, thuhet në komunikatën e Prokurorisë.