Prokuroria Themelore në Pejë njofton se gjatë muajit shkurt ka realizuar një sërë sekuestrimesh të pasurive dhe mjeteve të dyshuara si të përfituara apo të përdorura në veprimtari penale.
Sipas tyre janë konfiskuar dy vetura, një BMW dhe një Audi Q8, si dhe një kamion Iveco. Po ashtu, janë sekuestruar 9 armë zjarri të llojeve të ndryshme, 142 fishekë dhe një thikë.
“Me kërkesë të prokurorit të shtetit, gjatë muajit shkurt janë sekuestruar dy vetura, një e tipit BMW, një Audi Q8 dhe një kamion Iveco, mjete këto të cilat dyshohet se janë përdorur apo përfituar nga veprat penale. Gjithashtu, me kërkesë të prokurorit të shtetit, janë sekuestruar gjatë këtij muaji 9 armë zjarri të llojeve të ndryshme, 142 fishkë kalibër të ndryshëm dhe një thikë. Tutje të sekuestruara janë edhe dy telefona mobil, tri sharra motorike dhe masë drusore 10.5³ metër, dru shkoze dhe breu”, thuhet në njoftim.
