Prokuroria në Pejë ka siguruar dëshmitarë okularë të ngjarjes tragjike në Pejë, ku dyshohet se djali vrau nënën.
Kështu ka bërë të ditur për teve.info, zëdhënës i Prokurorisë Themelore në Pejë, Shkodran Nikçi, i cili tha se bashkë me forenzikën, kanë dalë në vendngjarje dhe janë mbledhur të gjitha provat.
Ai po ashtu tha se i dyshuari nuk është në gjendje të mirë emocionale dhe nesër do të merret në pyetje në prani të psikologëve.
“Kemi provuar që të dyshuarin ta marrim në pyetje, por s’ka qenë në gjendje dhe kemi urdhëruar që nesër në prezencë të psikologut dhe avokatit mbrojtës të provohet merret deklarata e të njëjtit”.
Nikçi po ashtu tha se është urdhëruar edhe autopsia e trupit të tashmë të ndjerës dhe është sekuestruar mjeti i dyshuar për vrasjen në fjalë.
