Në seancën e së hënës në rastin e vrasjes së Liridoda Ademajt, Prokuroria ka treguar provat mbi të cilat mbështetë akuzat ndaj Naim Murselit, Granit Plavës e Kushtrim Kokallës.
Një nga provat që ka treguar Prokuroria është edhe gjendaj financiare e Naim Murselit.
Sipas provave, Naim Murseli në mars të vitit 2024 kishte borxh mbi 475 mijë euro.
“Raporti informues për transkasionet bankare nga banka të ndryshme ( BKT, Mabetex Holding, Chelsea Point) të Naim Murselit dhe nË bazë të të cilave vërtetohet se Naim Murseli ka pasur borxhe financiare ndaj kompanive të ndryshme dhe bankës BKT në vlerën e përgjithshme 369 mijë 968,77 euro dhe nga dëshmia e vet të pandehurit informata të cila i ka dhënë hetuesve policorë në njësinë e paraburgimit ka pasur borxhe edhe ndaj personave fizikë në vlerë prej 106 mijë euro që dmth se vlera e përgjithshme e borxhit të Naim Murselit në mars të vitit 2024 kur është bërë analiza e gjendjes së tij financiare ka qenë 475,968,77 euro”, thuhet në provat e Prokurorisë.
Prova tjetër është përgjigja e organeve kompetente të Mbretërisë së Suedisë, nga ana e organeve të Suedisë, është pranuar një përgjigje që Liridona Murseli ka pasur një polisë të sigurimit jetësorë me fillim të vlefshmërisë 25.06.22 në vlerën prej 3 milionë kruna suedeze, në të cilat është cekur vazhduesi i përfitimit të sigurimit në rast të vdekjes së saj dhe në këto raste sipas ligjit te Suedisë nëse nuk ka bartës pas vdekjes se saj, shfrytëzuesi i polisës do të ishte bashkëshorti.
Shaban Mureseli mungon në seancën për vrasjen e Liridona Ademajt
