Në objektin ku ndodhën disa agjenci shtetërore, aktualisht po qëndrojnë pjesëtarë të njësisë elite të Kosovës.
Në këtë objekt ndodhen Agjencia Kadastrale e Kosovës, Agjencia Shtetërore e Arkivave dhe Instituti për Krime të Kryera gjatë Luftës në Kosovë.
Zëdhënësja e Prokurorisë Themelore në Prishtinë, Kaltrina Shala konfirmoi aksionin e sotëm në bashkëpunim me Policinë e Kosovës.
“Lidhur me pyetjen tuaj ju njoftojmë, se Prokuroria Themelore në Prishtinë në koordinim dhe bashkëpunim të ngushtë me Policinë e Kosovës, sipas urdhëresës nga gjykata ka marrë aksion për bastisje dhe kontroll në institutcionin e arkivës shtetërore dhe institutcionin kadastral te Republikës së Kosovës për veprën penale “ Keqpërdorim i pozitës apo autoritetit zyrtar” nga neni 414 te Kodit Penal të Republikës së Kosovës. Prokurori i shtetit për çdo zhvillim të mëtejshëm do të ju mbajë të informuar”, thuhet në përgjigjjen e zyrtares nga Prokuroria Themelore e Prishtinës./
