Prokuroria Themelore në Mitrovicë ka njoftuar se ka kërkuar nga Gjykata Themelore në Mitrovicë caktimin e paraburgimit për të pandehurin me iniciale B.D., për vrasjen e 19 vjeçarit në Vushtrri.
I pandehuri thuhet se gjatë marrjes në pyetje e ka pranuar kryerjen e veprës penale.
“I pandehuri B.D., me datë 23 mars 2025 rreth orës 20:30 minuta në rrugën “Galip Badivuku” në Vushtrri, me dashje e privon nga jeta viktimën me iniciale A.Z., ashtu që me armën e zjarrit tip pistoletë, e gjuan dhe e godet së paku tri (3) herë në trup, ku viktima si pasojë e plagëve të marra nga arma e zjarrit ndërron jetë në Repartin e Emergjencës në Spitalin e Vushtrrisë.
Seanca për caktimin e paraburgimit të pandehurin bëhet e ditur se do të mbahet pranë Gjykatës Themelore në Mitrovicë.
