Sipas kërkesës së prokurorisë të dorëzuar në gjykatë, ekziston dyshimi i bazuar se i dyshuari A.D., me datë 16 korrik 2022 në fshatin Llazhin të komunës së Leposaviqit, me vullnet dhe vetëdije ka ndërmarrë veprime me të cilat ka rrezikuar jetën e katër zyrtarëve policorë të njësisë NJKNSH të Drejtorisë së Policisë Kufitare.
“Përderisa policët gjatë një pikë kontrolli kanë tentuar ta ndalojnë kamionin të cilin e ngiste i dyshuari A.D., i njëjti nuk i është përfillur urdhrave për të ndaluar kamionin, i cili gjatë ikjes me qëllim dy herë e godet veturën e policisë, ku edhe zyrtarët policorë si pasojë e goditjeve marrin lëndime trupore”, thuhet ndër të tjera në komunikatë.
Pesë pjesëtarë të Policisë së Kosovës kanë mbetur të lënduar mbrëmë, të cilës pasi kishin tentuar të ndalin një kamion shoferi i së cilit nuk kishte respektuar urdhrin dhe kishte goditur veturën e policisë.
Prokuroria ka njoftuar se i dyshuari tjetër i përfshirë në këtë rast U.R, është nën hetime.
“I dyshuari i dytë në këtë rast U.R., dyshohet se e ka lehtësuar rrugëtimin dhe ka luajtur rolin e personit i cili e ka njoftuar të dyshuarin A.D., për çdo pengesë të mundshme në rrugë, me çka ka rrezikuar dhe penguar zyrtarët policorë, e që është në hetim e sipër. Seanca për caktimin e paraburgimit për të ndaluarin A.D., pritet të mbahet para gjyqtarit të procedurës paraprake të Gjykatës Themelore në Mitrovicë”, njofton Prokuroria./teve1.info/
https://teve1.info/lajmet/sulmohet-policia-e-kosoves-ne-veri-lendohen-pese-police/?fbclid=IwAR2oTP_1RBs3a2tYb03tr5W1Hp6YquILwN8rLGFiDC7fVP1cPtrp2T5PDu4
