Prokuroria Speciale e Kosovës ka njoftuar se pas zhvillimit të hetimeve disa mujore në bashkëpunim me Policinë e Kosovës- Drejtorinë për Hetimin e Krimeve të Rënda sot ka arrestuar një person me inicialet M.D në Mitrovicë të Veriut, për kryerjen e disa veprave penale.
Sipas komunikatës së Prokurorisë, M.D dyshohet për kryerjen e veprave penale “Bashkimi për veprimtari kundër kushtetuese”, “Rrezikimi i personave nën mbrojtje ndërkombëtare”, si dhe “Pjesmarrja në turmë që kryen veprën penale dhe huliganizmi”.
Tutje, në komunikatë bëhet e ditur se i njëjti me aktvendim të Prokurorit të Shtetit nga Prokuroria Speciale është ndaluar prej 48 orësh./teve1.info/
