Prokuroria Themelore e Gjilanit ka dhënë informacion të ri lidhur me historikun penal të Mefail Shkodrës dhe të dy djemve të tij, Edonis dhe Engjëll Shkodra.
Sipas njoftimit të Prokurorisë, për Mefail Shkodrën nga viti 2000 janë regjistruar gjithsej 5 raste penale, nga të cilat në 4 janë ngritur aktakuza.
“Duke marrë shkas nga raportimet lidhur me të kaluarën penale të dyshuarit Mefail Shkodra, njoftojmë opinionin publik se për atë në Prokurorinë Themelore të Gjilanit nga Policia e Kosovës që nga viti 2000 janë pranuar gjithsejt 5 raste penale, në 4 raste janë ngritur aktakuza sipas lëndëve PP.II.300/2005, PP.II.394/2011, PP.II.1091/2014, PP.I.154/17 dhe në lëndën PP.II.913/2023 është zgjidhur në procedurë të ndërmjetësimit”, thuhet në njoftimin e PTH-së.
Sa i përket djemve të tij, Edonis Shkodra dhe Engjëll Shkodra, Prokuroria Themelore e Gjilanit bën të ditur se nuk ka asnjë rast të proceduar ndaj tyre në cilësinë e të dyshuarve.
Prokuroria gjithashtu ka bërë thirrje për bashkëpunim me qytetarët:
“Prokuroria Themelore e Gjilanit mbetet e përkushtuar në luftimin e kriminalitetit dhe inkurajon të gjithë qytetarët që të bashkëpunojnë me prokurorinë dhe policinë për çfarëdo informate që do të ndihmonte në hetimin e suksesshëm dhe vënien e kryesve para drejtësisë”, përfundon njoftimi.
