Këtë e ka bërë të ditur shefi i grupit parlamentar të PDK-së, Abelard Tahiri.
Ai u ka bërë thirrje të gjithë deputetëve që ta mbështesin Projektligjin për Trustin, që sipas tij do të ndihmonte qytetarët të përballojnë krizën ekonomike.
Projektligji për Trustin kërkesë e qytetarëve që vije si rezultat i krizës dhe mos intervenimin e Qeverisë do të jetë si pikë e parë e rendit të ditës në seancën e parë të sesionit pranveror që do të mbahet të enjten. Ne shpresojë që gjithë deputetët të reflektojnë karshi kësaj kërkese e cila do ta zbusë sado pak gjendjen e rëndë ekonomike të qytetarëve të vendit dhe shpresojmë që të enjten të kalojë në lexim të parë”, ka thënë ai, pas mbledhjes së Kryesisë së Kuvendit, raporton teve1.info.
Ndërsa, shefja e grupit parlamentar të VV-së, Mimoza Kusari ka thënë se para seancës së rregullt të enjten, do të ketë një seancë para kësaj, ditën e mërkurë ku në rend dite janë disa pika të papërfunduara nga seancat e kaluara.
Sa i përket projektligjit për Trustin ajo ka thënë se ata kanë dhënë qëndrimin e qartë se nuk e mbështesin.
“Konsiderojmë që në aspektin ekonomik mund të ketë një ndjesi në zgjidhjen e problemeve në një kohë afatshkurta, por do të ketë ndikim negativ në një periudhë kohore afat mesëm dhe afat gjatë edhe në mirëqenien e qytetarëve dhe në parametrat ekonomik, përfshirë ngritjen e qimeve, sasinë e keshit në qarkullim dhe natyrisht edhe humbjen e sigurisë për të gjitha ata që tërheqin mjetet kur të arrijnë moshën e pensionimit”, ka thënë ajo./teve1.info/
